Կոդեինը` դեղատոմսով

Թմրամիջոցների վերահսկման դաշնային ծառայությունը (ԹՎԴԾ) հույս ունի, որ գարնան ավարտին կկարողանա արգելել կոդեին պարունակող դեղամիջոցների՝ առանց դեղատոմսի վաճառքը: Վաճառվող ապրանքի 1/3 մասից ավելին «Ֆարմստանդարտ»-ի արտադրությունն է:
Ռուսաստանում մինչ գարնան ավարտը կմտցվի կոդեին պարունակող դեղամիջոցների դեղատոմսային վաճառք, - փոխանցում է «Ինտերֆաքս»-ը ԹՎԴԾ-ի տնօրեն Վիկտոր Իվանովի խոսքերը:

Ավելի վաղ Իվանովն ասել էր, որ կոդեին պարունակող դեղորայքի միայն դեղատոմսով վաճառքի պահանջը կարող է շրջանառության մեջ մտնել մայիսի 1-ից: Նման պահանջի նախագիծը տեղադրված է Առողջապահության և սոցիալական զարգացման կայքում: Փաստաթուղթը գտնվում է քննարկման փուլում: Այս մասին ասաց նախարարության մամուլի քարտուղարը՝ հրաժարվելով մանրամասն մեկնաբանություններից:

«Ֆարմէքսպերտ» մարքեթինգային հետազոտության կենտրոնի տվյալներով` Ռուսաստանում վաճառվում է կոդեին պարունակող 22 դեղամիջոց՝ որպես ցավազրկող և սրտխառնոցի դեմ, օրինակ, պենտալգինի մի քանի տեսակներ` նուրոֆեն, սեդալգին և այլն:
2010 թ. վաճառվել է 92,49 մլն տուփ կոդեին պարունակող դեղամիջոց` 306,3 մլն ԱՄՆ դոլար արժողությամբ: Հաշվարկներն արվել են «Ֆարմէքսպերտ»-ի կողմից: Վերլուծաբանների տվյալներով` ռուսական դեղագործական շուկային բաժին է ընկնում կոդեին պարունակող դեղամիջոցերի վաճառքի 2%-ից էլ քիչ: Սակայն անցած տարի նման դեղամիջոցերի վաճառքն ավելացել է 20,86%-ով` գնի և 25%-ով` տուփերի մեջ: Իվանովը վստահեցնում է, որ այս հաբերի պահանջարկն աճել է թմրամոլների հաշվին, հատկապես այն շրջաններում, որտեղ սոցիալ-տնտեսական զարգացման մակարդակն ու աշխատավարձը ցածր է, գործազրկությունը` շատ:

Վաճաքի առաջատար «Ֆարմստանդարտ»-ի Պենտալգին դեղամիջոցը 2010 թ. վաճառվել է 34,56 մլն տուփ` 93,35 մլն ԱՄՆ դոլարի արժողությամբ: Տուփերի քանակով շուկայում դա կոդեին պարունակող դեղամիջոցների 1/4 մասն է կազմում, իսկ գնային առումով` 1/3-ից մի քիչ ավելին:

Շուկայում «Ֆարմստանդարտ»-ի ընդհանուր վաճառքի վրա կոդեինի դեղատոմսային դեղամիջոցների շարքում հայտնվելը չի ազդի, քանի որ վերջերս ընկերությունը շուկա է հանել կոդեին չպարունակող Պենտալգին: Այս մասին հայտնում է ընկերության ֆինանսների գլխավոր տնօրենի տեղակալ Ելենա Արխանգելսկայան:

Հարցեր, պատասխաններ, մեկնաբանություններ